Neno la kutuongoza linatoka katika Luka 5: 1-8 “1 Siku
moja Yesu alikuwa amesimama kando ya ziwa Genesareti, na watu wengi walikuwa
wamemzunguka wakisongana wanalisikiliza neno la Mungu.
2 Akaona mashua
mbili ukingoni mwa ziwa; wavuvi wenyewe walikuwa wametoka, wanaosha nyavu zao.
3 Baada ya Yesu kuingia katika mashua moja, iliyokuwa
ya Simoni, alimtaka Simoni aisogeze majini, mbali kidogo na ukingo wa ziwa.
Akaketi, akafundisha umati wa watu akiwa ndani ya mashua.
4 Alipomaliza kufundisha, akamwambia Simoni,
"Peleka mashua mpaka kilindini, mkatupe nyavu zenu mpate kuvua
samaki."
5 Simoni akamjibu, "Bwana, tumejitahidi kuvua
samaki usiku kucha bila kupata kitu, lakini kwa kuwa umesema, nitatupa
nyavu."
6 Baada ya
kufanya hivyo, wakavua samaki wengi, hata nyavu zao zikaanza kukatika.
7 Wakawaita wenzao waliokuwa katika mashua nyingine
waje kuwasaidia. Wakaja, wakazijaza mashua zote mbili samaki, hata karibu
zingezama. 8 Simoni Petro alipoona hayo, akapiga magoti mbele ya Yesu akisema,
"Ondoka mbele yangu, ee Bwana, kwa kuwa mimi ni mwenye dhambi!”
Vitu vizuri haviko juu juu viko kilindini yaani chini
kabisa.
Samaki wazuri wako kilindini,madini ya thamani sana
halikadhalika yanapatikana kwa kuchimba chini sana.
Kutoka neno tulilosoma hapo juu inaonekana hao watu walikuwa
wametumia akili zao sana lakini hawakufanikiwa.
Kuna mahali uzoefu, elimu,
na mtandao (connection) ulizonazo zinagota hapo sasa ndio Mungu anachukua
nafasi yake.
Mambo mazuri ya Mungu
hayako juu juu tu pia inabidi kutweka kilindini.
Kama utampa Bwana nafasi
katika maisha yako kwa mshahara uleule, kazi , elimu ulivyonavyo sasa unaweza
kufanya makubwa kwasababu umevikabidhi kwake.
Mruhusu Yesu atakufunulia,
atakupitisha, utaona vitu ambavyo hujawahi kupata.
Ukitazama katika neno la
Mungu utaona uhalisia wako wewe ni nani, Akaacha vitu akamfuata yeye anayeweza
kukupa vitu.
Inawezekana umejaribu
mengi kwa uwezo wako lakini kwa Neno la Bwana inawezekana.
Kutweka Kilindini ni kujiachia
kwamba wewe mwenyewe huwezi ila mwachie yeye atakuwezesha.
Kujitoa kwa Bwana,
Kumimina moyo wako na kukaa katika mpango wake.
Watu wengi wanataka
matokea tu lakini hawamtaki anayeleta matokeo.
Inawezekana kwa kufikiri
unataka kuchukua nyavu urudi nyumbani, Tweka Kilindini Bwana atakuonyesha na
kukuongoza na kukufanikisha hapohapo ulipo.
Sikiliza na soma Neno la
Mungu kwa bidii, Badilika.
Amua kutweka Kilindini,
angukia miguuni pa Yesu utapata vya
kudumu.
Jizamishe ndani ya Neno la
Mungu.
Kaa katika maombi mtu wa
Mungu.
Je una mkakati gani wa
kulijua Neno la Mungu.
Kwa Mungu hakuna kikomo ni
wewe tu unavyojimimina, unaweza kufanya makubwa, Halleluya.
MUNGU ATUSAIDIE TUWEZE
KUTWEKA KILINDINI, TUSIRIDHIKE TU NA WOKOVU ULEULE
No comments:
Post a Comment